Styrkar laget

Salssjef Svein Ove Bergseth (tv) og dagleg leiar Tore Bø (th) er godt nøgde med å få Ottar Sverre Bakken (i midten) med seg i den vidare satsinga.

Frå nyttår styrkar Sognenett IT staben med Ottar Sverre Bakken og med han får selskapet tilført kompetanse på områda kundekontakt, sal og forretningsutvikling.

- Eg kjenner IT-bransjen både frå leverandør- og kundesida, fortel lustringen Ottar Sverre. Han har fartstid med marknadsarbeid, sal og kundekontakt frå både NIT, IBM, ErgoGroup og EDB Business Partner, før han avslutta karriera med 12 år i Digitaliseringsdirektoratet, dei siste åra som fagdirektør. No ønskjer han å vere med på å utvikle Sognenett IT.

- Me starta dialogen i desember, og når dei inviterte meg inn i ei deltidsstilling som senior salsrådgiver kjende eg på at dette hadde eg lyst til. Eg ser stort potensiale i selskapet. Robuste tenester er allereie på plass, no skal me vidareutvikle tenestene våre i tett dialog med kundane våre.

Ottar Sverre Bakken er på plass i Sognenett IT sine lokale og tek til som senior salsrådgiver.

Og Ottar Sverre er tydeleg på kva det er som motiverer han:

- Nøgde kundar som får verdiskaping av våre leveransar, det er suksess for meg. Gjennom eit strukturert samarbeid med kundane og godt samspel i eigen organisasjon skal me få dette til.

I tillegg til å jobbe opp mot kundane, får Sognenett IT og nytte Bakken sin kunnskap inn i styrearbeidet når han går inn som styremedlem i selskapet frå nyttår.

- Eg kan bidra med bransjekunnskap og håpar eg kan utfylle kompetansen i styret med mi erfaring.

Det handlar om å fortelje marknaden kva vi kan bidra med, seier dagleg leiar i Sognenett IT, Tore Bø. Han er godt nøgd med å sikre seg ein røynd mann med stor bransjekunnskap:

- Me har nytta det første driftsåret til å etablere og vidareutvikle produktporteføljen vår. No skal me ut i marknaden og byggje kunnskap om løysingane me tilbyr.

Salssjef Svein Ove Bergseth føl opp:

- Me har allereie fått eit godt fotfeste i marknaden. Som totalleverandør av IT-tenester ønskjer me å kjenne kundane sine behov godt. Me er lokalt forankra og til stades i bygdene i Sogn, og denne posisjonen gler eg meg til å jobbe i lag med Ottar Sverre for å befeste.

Sognenett IT tilbyr Administrert IT til bedrifter. Dette er ei komplett løysing for god tryggleik og samhandling, som sikrar effektiv arbeidsflyt. Du får de dei beste verktøya, inkludert Microsoft-produkt, avansert tryggleik, automatisert sikkerheitskopi, og skreddarsydd sikkerheitsopplæring i kvardagen. I tillegg får du fri support, våre engasjerte konsulentar er alltid tilgjengelege når du treng det. Me fiksar IT – du fokuserer på å utvikle bedrifta di.

Ta gjerne kontakt med oss for ein prat!