Med rask og god hjelp frå Sognenett IT vart Gudvangen Fjordtell klar for turistsesongen
Dagleg leiar Olav Hylland ved Gudvangen Fjordtell (midten av biletet) har god grunn til å smila. Takka vera samarbeidet med Sognenett IT får han eit raskt og moderne nett, og rask oppfølging til IT-hjelp når det trengst. Her saman med salssjef Svein Ove Bergseth (t.v) og dagleg leiar Tore Bø (t.h) i Sognenett IT.
Midt i smørauga av Sogn, godt innpakka mellom bratte fjell og djupe dalar, ligg vakre Gudvangen Fjordtell. Som så mykje anna næring i Aurland kommune er det turistsesongen på sommartid som utgjer sjølve livsnerven i drifta. Med opp mot 10 000 besøkande som passerer gjennom området dagleg i høgsesongen, er eit godt og velfungerande internett med høg kapasitet heilt avgjerande å ha på plass.
Olav Hylland, eigar av Gudvangen Fjordtell, har funne sin ideelle samarbeidspartnar i Sognenett IT – ein lokal IT-leverandør som bidreg til å sikra meir effektiv drift og ein optimal brukaroppleving.
Ekstremt behov
Auka global digitalisering dei siste tiåra har ført til store endringar i måten turistar reiser på. Kart og kompass er for lengst historie – dagens turistar i 2024 finn som regel informasjonen dei treng på smarttelefonen. Men, for mange tilreisande som kjem langvegsfrå er bruk av mobildata svært dyrt. Desse er ofte avhengige av sikre og gode lokale Wi-fi-nettverk, som dei kan kopla seg på, slik som ved Gudvangen Fjordtell i Aurland kommune.
– Behovet for internett her er ekstremt. Dei tilreisande skal finne alle rutetider og finne billettar på nettet. Det er heilt avgjerande - visst ikkje så står beteninga vår og driv turistinformasjon heile dagen, seier dagleg leiar ved Gudvangen Fjordtell, Olav Hylland.
Med kring 140 sengeplassar har hotellet høg aktivitet og store behov for gode IT-løysingar. Men hotellet livnærer seg ikkje berre på overnattingsgjestar. Det er nemleg hit dei fleste turistane kjem først når dei kjem om bord med båtane nede ved havna.
Hundrevis, i blant tusenvis av turistar er innom det populære kafè- og uteområdet til Gudvangen Fjordtell på gode sommarsdagar.
- På ein god sommarsdag er det 10 000 i området som fer forbi med bussar, bilar, båtar og alt mogleg, seier Hylland, som fortel at hotellet over tid har sett behov både for å oppgradera og modernisera TV- og wifiløysing, for å imøtekoma framtidig etterspørsel.
Etter fjorårssesongen var det tid for å ta grep. Med Sognenett IT inne som ny samarbeidspartnar vart nye og gode løysingar ordna raskt og effektivt, i god tid før turistsesongen i år var i gang.
- Me såg veldig fort at her kunne me komma inn som lokal aktør, tilgjengeleg i området og med høg kunnskap om dei behova dei hadde bruk for. No har dei eit godt produkt som dei kan gje til sine gjestar, seier dagleg leiar Tore Bø i Sognenett IT.
Med referanse til vikingtida, og like ved «viking valley» i Gudvangen tilbyr hotellet ei overnattingsoppleving utanom det vanlege – basert på norsk kulturhistorisk arv. Eit tilbakeblikk i tid til tross; gode TV- og internettløysingar er likevel ein viktig del av opplevinga.
Eit samarbeid til å anbefala
Med Sognenett IT som samarbeidspartnar treng ikkje Hylland å bekymra seg dersom det oppstår trøbbel med nettet, eller TV-løysinga. Den biten tek Sognenett IT seg av, og som lokal aktør er dette noko som no går langt raskare enn tidlegare, påpeiker Hylland.
- Tidlegare har me vore borti leverandørar som sender teknisk hjelp frå Oslo, og det kunne ta ei veke. No får me hjelpa me treng på berre nokre timar. Med Sognenett IT så er det berre å ta ein telefon, så ordnar ting seg veldig lett.
Med Sognenett IT på saka for Olav og kollegaene ved fjordtellet oppfølginga dei treng.
Med hjelpa frå Sognenett IT betyr det at Hylland og kollegaene ved Gudvangen Fjordtell kan fokusere på det dei gjer best: Oppvarting av gjestar, kundar og tilreisande.
– Eg har ingen problem med å anbefale Sognenett IT, det er godt å ha ein lokal leverandør på slikt. Det er absolutt stort behov, avsluttar han.
Treng du eller ditt firma ein samarbeidspartnar på IT- og kommunikasjonsløysingar?